ನನ್ನವಳು ಬಳಕುವ ಬಳ್ಳಿ

ನನ್ನವಳು ಬಳಕುವ ಬಳ್ಳಿ

ನನ್ನ ಹೃದಯದ ಕಳ್ಳಿ

ಆದರೂ ಅವಳು ಬಲು ಸುಳ್ಳಿ

ಹೇಳುತ್ತಾಳೆ ನಾನಲ್ಲ ನಿಮ್ಮ ಹೃದಯ ಕಳ್ಳಿ


ಅವಳ ಓರೆ ಕಣ್ಣಿನ ನೋಟ

ಮಾಡಿಸಿದೆ ನನ್ನ ಮನಕೆ ಮಾಟ

ಇದು ಖಂಡಿತ ದಿಟ

ಕಾರಣ ನನಗೆ ಸೇರುತ್ತಿಲ್ಲ ಊಟ


ಬೆಳಗಿನ ಜಾವದಲ್ಲಿ

ನಿಲ್ಲುವಳು ಹೂ ಕೀಳುತ್ತಾ ಅಂಗಳದಲ್ಲಿ

ಕಣ್ಣು ಮಿಟುಕಿಸಿ ಸೇರುವಳು ಕೋಣೆಯಲ್ಲಿ

ಸಿಲುಕಿಸಿ ನನ್ನನ್ನು ಸಂಕಷ್ಟದಲ್ಲಿ


ಅವಳಿಗಾಗಿ ಓಡಾಡುತ್ತಿರಲು ನಾ ಅಂಗಳದಲ್ಲಿ

ಕದ್ದು ನೋಡುತ್ತಾಳೆ ಕಿಡಕಿಯಲ್ಲಿ

ಎಬ್ಬಿಸಿದವಳೇ ಅಲೆಯನ್ನು ಹೃದಯದಲ್ಲಿ

ಮರೆಯಾಗುವಳು ಕಿಟಕಿಯ ಪರದೆಯಲ್ಲಿ